Xatirə Fərəcli - Şeirlər

"Sənin səadətin mənəm" kitabının elektron versiyası

"Sənin səadətin mənəm" şeirlər kitabını indi elektron kitab kimi PDF formatında yükləyə bilərsiniz

Açar sözlər: elektron-kitab sevgi şeir şeirlər-kitabı kitab

Yazar: Xatirə Fərəcli | Tarix: İyun 28, 2008 22:43 | Bölməsiz | Şərhlər(19) | Baxış sayı: 254

OVUNDUM

Gördüm bir kimsədən mənə haray yox
Özüm öz dadıma çatdım, ovundum,
Dərdimi-sərimi qoyub bir yana
Başımı başlara qatdım, ovundum.

Gah gizli, gah aşkar çəkdim acını,
Ram etdim ruhumun ehtiyacını,
Axıb yanağıma düşən damcını
Silib titrək əllə atdım, ovundum.

Əyilməz başlara bəlaymış inad
Məni də qəlibə saldı bu həyat
Laylaya, öyüdə yatmazdım bir vaxt
Qədər sığalına yatdım, ovundum.

Gör nə arzuladım, nəyə qovuşdum
Yovuşmaz günlərə naçar yovuşdum
Bir dəli şimşəkdim keçdim sovuşdum
Eləcə içimdə batdım ovundum.

Açar sözlər: ْxatirə fərəcli lirik şeir romantik

Yazar: Xatirə Fərəcli | Tarix: İyun 1, 2008 21:34 | Bölməsiz | Şərhlər(2) | Baxış sayı: 107

Kiridəcəm ürəyimi...

Kiridəcəm
ürəyimi,
Kiridəcəm dərdi, qəmi
Unudacam bu gündən səni,
unudacam.
… Çox da ki,
dodağının həsrətindən
çat-çat olub
dodaqlarım,
Buza dönüb yanaqlarım,
yanına gəlmək üçün
ürəyimdən
işarə gözləyir ayaqlarım
…Çox da ki,
gəlişinə ümid edib,
yol gözləyir
gözlərim, Əlimdə qələm titrəyir
Qan ağlayır
sözlərim.
Alışacam,
alışacam tənhalığıma.
Sən mənim
ömrümə qılınc,
başıma qaxınc,
Sevincimin qənimi.
… Ah bilmirəm,
bilmirəm nə istədiyimi.

Açar sözlər: lirik şeir şeirlər

Yazar: Xatirə Fərəcli | Tarix: İyun 1, 2008 21:01 | Bölməsiz | Şərhlər(0) | Baxış sayı: 74