Xatirə Fərəcli - Şeirlər

QORU BU SEVGİDƏN MƏNİ, İLAHİ

Dəvətsiz qonağ tək döydü qapımı,
Arzu tək, fərağ tək döydü qapımı,
Tə'nə tək, qınağ tək döydü qapımı
Qoru bu sevgidən məni, ilahi.

Mələkmi, şeytanmı göylərdən enib,
Dönüb xoş nəğməyə könlümdə dinib,
Könül oğrusudur, qəlbimə girib
Qoru bu sevgidən məni, ilahi.

Qoydun sevgimə də qoruq-qadağa,
Baxdım ki, sığışmır yola-yolağa,
Olsun qınaqlara sevgim sadağa,
Qoru bu sevgidən məni, ilahi.

Açar sözlər: sevgi gözlənilməz eşq

Yazar: Xatirə Fərəcli | Tarix: İyun 1, 2008 21:08 | Bölməsiz | Şərhlər(0) | Baxış sayı: 88