Xatirə Fərəcli - Şeirlər

ÖMRÜMÜN

Şirindi bu həyat, çiçəkdi, baldı,
Qüssə, kədər arısıdır ömrümün.
Qəlbimdən keçənlər qəlbimdə qaldı
Kəm qismətim ağrısıdır ömrümün.

Bu əməl dünyada itdim əməlli,
Pünhan saydıqlarım gözümdən bəlli,
Dərya dərdə nəyi bilim təsəlli?
Ümid, güman çarəsidir ömrümün.

Taleyimdən daşlar kimi ötüşdü,
Yanağımdan yaşlar kimi ötüşdü,
İllər hanı? Quşlar kimi ötüşdü
Yaşamadım yarısıdır ömrümün.

Açar sözlər:

Yazar: Xatirə Fərəcli | Tarix: İyun 1, 2008 21:31 | Bölməsiz | Şərhlər(1) | Baxış sayı: 88