Xatirə Fərəcli - Şeirlər

İÇİNDƏ

Soruşma halımı gendən-yaxından
Günlərim bombozdur duman içində
Ürəyin deyəni dilin demədi
Mən səni itirdim yalan içində.

Dağ qoyub getdiyin indi təpədir
Sellər, sular yuyur, yellər tərpədir.
Qəlbim oyuq-oyuq, qəlpə-qəlpədir
Boşuna gözlədim güman içində.

Dönmüşəm bir gizli nisgilə, aha
Mənə yazı yazan batıb günaha
Köçümü dünyadan çəkmişəm daha
Kim qalar bu boyda talan içində.

Açar sözlər: sevgi məhəbbət vəfasızlıq lirika lirik

Yazar: Xatirə Fərəcli | Tarix: İyun 1, 2008 21:14 | Bölməsiz | Şərhlər(0) | Baxış sayı: 89